Жорий йилнинг 27 феврал куни тумандаги 2- сонли болалар ва ўсмирлар мактабида ўқувчи-ёшларни маънавий-аҳлоқий жиҳатидан тарбиялаш,  уларнинг бўш вақтларининг мазмунли ўтказишни  ташкил этиш, ёшларни ёшлар спорт мусобақаларига оммавий тарзда жалб қилиш мақсадида “Камолот шахмат тахтаси” Республика турнирини туман босқичи ўтказилди.

Саралаш босқичларида 1500 га яқин, туман босқичида эса 110 нафар ёшлар иштирок этишди.

Мусобақа якунида “Камолот” ёшлар ижтимоий ҳаракати туман Кенгаши томонидан ғолиб ёшларга фахрий ёрлиқ ва эсталик совғалари топширилди. Эндиликда туман босқичи ғолиблари вилоят босқичида туманимиз шаънини ҳимоя қиладилар. 

“Камолот” ёшлар ижтимоий ҳаракати туман Кенгаши, Хотин-қизлар қўмитаси, туман ХТМФМТ ва ТЭ бўлими, туман Маданият ва спорт ишлари бўлими, Болалар спортини ривожлантириш жамғармаси туман бўлими билан ҳамкорликда Қамаши педагогика иқтисодиёт касб-ҳунар коллежида қизлар ўртасида спортнинг стол тенниси тури бўйича “Камолот маликаси” спорт мусобақасининг туман босқичи ўтказилди. Мусобақа давомида 70 ортиқ ёшлар иштирок этди.

Мусобақа сўнгида “Камолот” ЁИҲ туман Кенгшининг диплом ва эсталик савғалари топширилди.

Жорий йилнинг 26-27 февраль кунлари спортнинг Шахмат тури буйича “Камолот шахмат тахтаси” VIII Республика турнирининг Нишон ва Ғузор туман босқичлари ўтказилди.

• Sport musobaqalari

Joriy yilning 28-fevral kuni Qarshi muhandislik iqtisodiyot instituti boshlang'ich tashkilot yetakchisining hisobot-saylov yig'ilishi bo'lib o'tdi. Hisobot-saylov yig'ilishida boshlang'ich tashkilotning o'tgan yilllardagi amalga oshirgan ishlari tinglandi va unga viloyat Kengashi raisi tanqidiy va tahliliy baho berdi.

Shuningdek, boshlang’ich tashkilot faoliyatiga tanqidiy tahliliy yondashgan holda yoshlar takliflaridan kelib chiqib kelgusi yildagi faoliyatda e’tibor qaratilishi lozim bo’lgan ustuvor vazifalar belgilab olindi hamda Boshlang’ich tashkilotning 2015 yilga mo’ljallangan ish rejasi tasdiqlandi.

Hisobot-saylovda yoshlar Boshlang’ich tashkilotning yangi jamoasi hamda yetakchini saylab oldilar. Ochiq va oshkoralik ruhida o’tgan mazkur saylovda yoshlar o’zlari ishongan nomzodga ovoz berdilar.

— Bugun biz o’z huquqlarimizdan foydalangan holda institutimiz boshlang’ich tashkilot yetakchisi deb Abror Rahmatovni sayladik, — deydi iqtidorli talaba Shahboz Chorshanbiyev.  Yetakchi o‘zi bilan samimiylikka erishgandan so‘nggina boshqalar bilan samimiy bo‘lishi mumkin. Boshqalarga bo‘lgan munosabat insonning chindan kim ekanligini bildiradi. Abror aka ana shunday samimiy va yetakchilik qobilyatiga ega bo’lgan insonlardan biridir.

Shundan so’ng o’tgan 2014 yil davomida Harakat faoliyatida va yirik tadbir hamda loyihalarda faol ishtirok etgan bir guruh iqtidorli yoshlar Harakatning viloyat Kengashi tomonidan faxriy yorliqlar bilan taqdirlanishdi. 

“Камолот” ёшлар ижтимоий ҳаракати Қашқадарё вилоят Кенгаши томонидан юртимизда интилувчан навқирон авлоднинг ташаббус ва ғояларини қўллаб-қувватлашга қаратилган кўплаб саъй-ҳаракатлар амалга оширилиб келинмоқда. Жумладан, ёшларни кичик бизнес ва тадбиркорлик соҳасига кенг жалб қилиш, уларнинг иқтисодий билим ҳамда кўникмаларини орттириш, илғор таклифлари, режаларини амалга ошириш, қолаверса, жойларда янги иш ўринлари яратиш борасида қатор истиқболли лойиҳаларни жорий қилган.

Ана шундай тадбирлардан бири жорий йилнинг 27 февраль куни вилоят “Ёшлар маркази”да Ҳаракатнинг вилоят Кенгаши, вилоят прокуратураси ва Марказий банк вилоят бош бошқармаси ҳамкорлигида вилоят ёшлари ўртасида якка тартибдаги меҳнат фаолияти, кичик бизнес, хусусий тадбиркорлик, касаначилик ва фермерликни ривожлантириш, касб-ҳунар коллежи битирувчилари ҳамда ишсиз ёшларни бандлигини таъминлаш мақсадида “Тадбиркорлик билан келажак сари” лойиҳаси ташкил этилди.

• tadbirkorlik

Joriy yilning 23 fevral kuni Harakatning Yakkabog’ tuman Kengashida nomoddiy madaniy merosni muhofazalashda milliy salohiyatni yuksaltirish masalalariga bag‘ishlangan tadbir bo‘lib o‘tdi. Tuman Madaniyat va sport ishlari bo’limi bilan hamkorlikda tashkil etgan tadbirda tegishli davlat, jamoat, folklor jamoalari vakillari,  mutaxassislar ishtirok etdi.

Tadbirda so’zga chiqqanlar Yurtboshimiz rahnamoligida O‘zbekistonda izchillik bilan amalga oshirilayotgan keng ko‘lamli ma’naviy-ma’rifiy islohotlar jarayonida noyob madaniy merosni asl holicha asrash va o‘zbek xalqining insoniyat sivilizatsiyasi rivojiga qo‘shgan buyuk hissasini jahon miqyosida keng targ‘ib etishga qaratilayotgan doimiy e’tibor o‘zining yuksak samaralarini berayotganini ta’kidladilar.

Жорий йилнинг 23 февраль куни Косон педагогика иқтисодиёт касб-ҳунар коллежида вилоят хотин-қизлар қўмитаси, вилоят “Тадбиркор аёл” уюшмаси, вилоят Марказий банк бошқармаси, вилоят “Маҳалла” жамоат фонди билан ҳамкорликда “Ҳунарим-фахрим” номли ўқув-семинари ўтказилди. Унда тумандаги барча ҳунарманд ва тадбиркорлар, фахрий кекса ҳунарманд онахонлар, касб-хунар коллежи битирувчилари, ёш тадбиркор қизлар иштирок этишди.

Тадбир давомида йиғилганлар кекса онахонларнинг “Ўзбегим дурдоналари” миллий анъанавий каштачилик мактабининг маҳсулотлари кўргазмаси ва “Қўли гулдир ўзбек аёли” ҳунарманд ва тадбиркор аёлларнинг кўргазмали махсулотлари ташкил этилди. 

Joriy yilning 23 fevral kuni Harakatning tuman Kengashi tashabbusi bilan agro iqtisodiyot kasb-hunar kollejida iqtidorli o‘quvchilari o‘rtasida “Zulfiyaxonim izdoshlari” bayram tadbiri bo‘lib o‘tdi.

Tadbirda yoshlar Zulfiya ijodiga nazar, ya’ni uning she’rlarini o‘qib berdilar. Zulfiya hayoti va uning ijodiy yo‘llari to‘g‘risida ma’lumot beruvchi sahna ko‘rinish barchada shoira hayotiga bo‘lgan kiziqish va uning she’rlarini yaratilish tarixi xaqidagi ma’lumotlar o‘zgacha mazmun kashf etdi desak mubolag‘a bo‘lmaydi. Yoshlarning shoira hayotiga bo‘lgan qiziqishi, uning “Bahor” deb nomlangan she’rini ingliz tiliga tarjima qilib o‘qib berilgani yig‘ilganlarni yanada hayratga soldi va olqishga sabab bo‘ldi.

Жорий йилнинг 20-21 февраль кунлари Ҳаракатнинг Қарши, Шаҳрисабз, Китоб, Яккабоғ, Чироқчи, Нишон туман Кенгашларида йил якунларига ҳамда истиқболдаги режаларига бағишланган Кенгаш йиғилишлари ўтказилди.

Кенгаш йиғилишларида “Соғлом бола йили” Давлат Дастури, “Ўзбекистон Республикасида 2014 йилда ёшларга оид давлат сиёсатини амалга оширишга қаратилган қўшимча чора-тадбирлар дастури”да белгиланган тадбирлар ижроси, Ҳаракат тизимлари бюджетининг 2014 йилдаги ижроси ҳамда 2015 йилга мўлжалланган бюджет лойиҳаси, Ҳаракатнинг 2015 йилга мўлжалланган ягона иш режасини тасдиқлаш ҳамда шу каби бошқа масалалар кўриб чиқилди ҳамда кун тартибидаги масалалар юзасидан тегишли қарорлар қабул қилиниб, келгусидаги амалга оширилиши лозим бўлган ишлар бўйича чора-тадбирлар режаси белгилаб олинди.

Йил давомида фаоллик кўрсатган Ҳаракатнинг Бошланғич ташкилот етакчилари ҳамда ҳамкор ташкилотларга туман Кенгашларининг ташаккурнома ҳамда эсдалик совғалари топширилди.

Joriy yilning 20 fevral kuni Koson tumanidagi 9-umumta’lim maktabida Harakatning tuman Kengashi, tuman madaniyat va sport ishlari bo‘limi, xotin-qizlar qo‘mitasi, mudofaaga ko‘maklashuvchi “Vatanparvar” tashkiloti tuman Kengashi, halq ta’limi va kasb-hunar kollejlari bilan hamkorlikda tashkil etilgan musobaqaning 5 ta yosh toifasi doirasida o‘g‘il va qizlar o‘rtasida shaxmat bo‘yicha an’anaviy “Kamolot shaxmat taxtasi” VIII Respublika turnirini tuman bosqichiga start berildi.

Ushbu musobaqalarning tuman final bosqichi zo‘r qiziqish va ko‘tarinki ruhda yanvarь-fevralь oyi davomida o‘tkazilib, musobaqalarning maktab bosqichlarida 2940 nafar o‘g‘il va qizlar ishtirok etgan bo‘lsa, shulardan 392 nafari musobaqalarning tuman bosqichida bellashdilar.

Musobaqaning guruh bahslaridan finalga chiqqan o‘yinlari bo‘lib o‘tdi. Ertalabdan boshlangan musobaqalar 1/2, 2/0, 2/1 va 0/2 final uchrashuvlari ayniqsa, qizg‘in bahslarga boy bo‘ldi. Yakuniy natijalarga ko‘ra 8 yoshgacha yoshli qizlar o‘rtasida 9-maktab o‘quvchisi Normurodova Madina 1-o‘rinni, 9-maktab o‘quvchisi Mamatqulova Shabnam 2-o‘rinni, 33-maktab o‘quvchisi Bobonazarova Yulduz 3-o‘rinni, 8 yoshgacha o‘g‘il bolalar o‘rtasida 83-maktab o‘quvchisi Hamroev Iqbol 1-o‘rinni, 91-maktab o‘quvchisi Norbo‘taev Alpomish 2-o‘rinni, 9-maktab o‘quvchisi Toshniyozov Apomish 3-o‘rinni, 12 yoshgacha qizlar o‘rtasida 50-maktab o‘quvchisi Orziqulova Madina 1-o‘rinni, 49-maktab o‘quvchisi Dilshodova Dilnura 2-o‘rinni, 83-maktab o‘quvchisi Boymurodova Shaxzoda 3-o‘rinni, 12 yoshgacha o‘g‘il bolalar o‘rtasida 73-maktab o‘quvchisi Temirov Xayrullo 1–o‘rinni, 90-maktab o‘quvchisi Shukurov Alisher 2-o‘rinni, 7-maktab o‘quvchisi Xolboev Shohjahon 3-o‘rinni, 14 yoshgacha qizlar o‘rtasida 66-maktab o‘quvchisi Fazliddinova Muxlisa 1-o‘rinni, 1-maktab o‘quvchisi Haydarova Mohinur 2-o‘rinni, 50-maktab o‘quvchisi Alieva Nuriya 3-o‘rinni, 14 yoshgacha o‘g‘il bolalar o‘rtasida 5-maktab o‘quvchisi Dovurov Shaxzod 1-o‘rinni, 66-maktab o‘quvchisi Choriyev Shohjahon 2-o‘rinni, 50-maktab o‘quvchisi Xoliyorov Fazliddin 3-o‘rinni, 19 yoshgacha kollej o‘g‘il bolalari o‘rtasida Koson maishiy xizmat kasb-hunar kolleji talabasi Temirov Xayrullo 1-o‘rinni, Sanoat transport kasb-hunar kolleji talabasi Axmedov Umid 2-o‘rinni, Kompyuter texnologiyalari kasb-hunar kolleji talabasi Xamdamov Baxtiyor 3-o‘rinni, 19 yoshgacha bo‘lgan kollej qizlari o‘rtasida Koson sanoat transport kasb-hunar kolleji o‘quvchisi Nomozov Adiba 1-o‘rinni, Kompyuter texnologiyalari kasb-hunar kolleji o‘quvchisi Qudratova Dilmehr 2-o‘rinni, Pedagogika iqtisodiyot kasb-hunar kolleji o‘quvchisi Nazarova Feruza ko‘lga kiritdi.

Musobaqalarning yakuniy final bosqichida 30 nafar g‘olib aniqlandi. Shu g‘oliblardan 1-o‘rinni egallagan o‘quvchi yoshlar musobaqalarning viloyat bosqichida ishtirok etish yo‘llanmasini qo‘lga kiritdi.

SHuningdek, nominatsiyalar bo‘yicha ham 5 nafar ishtirokchilar taqdirlandilar.

Musobaqalarning barcha bosqichida qatnashgan maktab va kollej o‘quvchi yoshlari tuman Kengashi va hamkor tashkilotlarning diplom, faxriy yorliq va qimmatbaho sovg‘alari bilan taqdirlanishdi. 

Жорий йилнинг 17 февраль куни Қарши Педагогика ҳамда Маданият ва туризм касб-ҳунар коллежларида Ҳаракат ташаббуси билан эрта никоҳ ва эрта туғруқларнинг олдини олиш, аҳолининг репродуктив саломатлигини мустаҳкамлаш, ёшлар ўртасида соғлом турмуш тарзи кўникмаларини шакллантириш мақсадида Қарши шаҳар “Оила ва никоҳ” маркази, “Никоҳ уйи”, вилоят Репродуктив саломатлик маркази билан ҳамкорликда “Никоҳланувчи шахсларни тиббий кўрикдан ўтказишнинг мазмун моҳияти, эрта турмуш ва эрта никоҳларнинг олдини олиш” мавзусида давра суҳбатлари ўтказилди.

• Sog'lom oila

Жорий йилнинг 17-18 февраль кунлари Қарши шаҳри, Ғузор, Деҳқонобод, Муборак, Миришкор, Қамаши, Косон, Касби туманларида йил якунларига ҳамда истиқболдаги режаларига бағишланган Кенгаш йиғилишлари ўтказилди.

• ma'naviyat

Жорий йилнинг 17 февраль  куни Қарши шаҳар 30-умумтаълим мактаби ўқувчилари ҳамда сардорлари ўртасида Ўзбекистон Республикаси Президентининг 2014 йил 6 февралдаги ПҚ-2124-сонли Қарори билан тасдиқланган “Ўзбекистон Республикасида 2014 йилда ёшларга оид давлат сиёсатини амалга оширишга қаратилган қўшимча чора-тадбирлар Дастури”ининг 37-банди ижросини таъминлаш, ёшлар ўртасида маънавий муҳитни яхшилаш, ёшларни миллий ватанпарварлик руҳида тарбиялаш мақсадида“Мунозара” дебат клуби тўгараги ташкил этилди.

• ma'naviyat

Жорий йилнинг 11 февраль куни вилоят “Ёшлар”марказида“Камолот” ёшлар ижтимоий ҳаракати Қашқадарё вилоят Кенгаши, Қашқадарё вилоят телерадиокомпанияси, Қашқадарё вилоят Маданият ва спорт ишлари бошқармаси, Қашқадарё вилоят Ўрта махсус касб-ҳунар таълими ҳамда Қашқадарё вилоят Халқ таълими бошқармаси билан ҳамкорликда “Буюк сиймолар ёшлар нигоҳида” лойиҳаси доирасида маънанавий-маърифий тадбир ўтказилди.

• ma'naviyat

Жорий йилнинг 17 февраль куни Ҳаракатнинг Қарши шаҳар Кенгаши, Қарши шаҳар Халқ таълими муассасалари фаолиятини методик таъминлаш ва ташкил этиш бўлими, Қарши шаҳар Маданият ва спорт ишлари бўлимлари билан ҳамкорликда шаҳримиз  ёшларини маънавий баркамол, мамлакатимиз тарихини чуқур билимдон фарзандлари қилиб тарбиялаш, ўзбек давлатчилиги заминларини англаб етишларига кўмаклашиш, юртимиз тарихини ўсиб келаётган ёш авлодга холисона етказиш ва тарғибот қилиш мақсадида Қарши шаҳар 32-умумтаълим мактабида “Аждодлар мероси — келажак пойдевори” кўрик-танловининг мактаб саралаш босқичи бўлиб ўтди.

• маънавият